यशवंतराव चव्हाण प्रतिष्ठान, नवी मुंबई केंद्रमार्फत
रक्तदान शिबिर व शिवथाळी भोजनाचे आयोजन...

यशवंतराव चव्हाण प्रतिष्ठान, नवी मुंबई केंद्रातर्फे रक्तदान शिबीर व रुग्ण नातेवाईकांसाठी शिवथाळी आयोजन करणेत येत आहे. आपले यशवंत सन्मान प्राप्त रुग्णमित्र प्रसाद अग्निहोत्री आपल्याला रक्तदान शिबीर घेणेस संपूर्ण मदत ( आयोजन, डॉक्टर्स, मशीनरी ) करणार आहेत. सचिव डॉ अशोक पाटील यांनी स्टर्लिंग कॉलेज जागा देऊ केली आहे. तरी, मी शनिवार दि ८ मे २०२१ रोजी सकाळी ९ ते दुपारी १ वाजेपर्यंत रक्तदान शिबीर आयोजनाची तारीख टाटा संस्थेस कळवित आहे. सर्व managing committee मेंबर्सनी सक्रिय सहभाग उपस्थित राहून घ्यावा व प्रत्येकाने किमान १० रक्त दाते या आज आवश्यक असलेल्या महत्वपूर्ण उपक्रमास सक्रिय हातभार लावावा. रक्तदात्याचे नाव, मोबाईल नंबर मला This email address is being protected from spambots. You need JavaScript enabled to view it. ह्या ई-मेल वर आगाऊ नोंदणी केल्यास आणखी उत्तम. रक्तदानाच्या प्रतिष्ठानच्या उपक्रमात आपले सामाजिक कार्यकर्ते, नेते यांनाही सहभागी करावे. रवींद्र इथापेजी, नेत्राजी शिर्के, सलुजा जी व संदीप जी सुतार, गावडे शेठ ह्या आपल्या लोकप्रिय नगरसेवकांचा सहभाग अपेक्षित आहे तसेच, रुग्ण मित्र अग्निहोत्री यांनी सुचविलेल्या कॅन्सर हॉस्पिटल, खारघर येथे परगावावरून रुग्णांसोबत येऊन राहणाऱ्या नातेवाईकांना आपण एक दिवस प्रतिष्ठान तर्फे ह्या लॉकडाउन काळात दुपारचे जेवण (शिवथाळी ) द्यावयाची आहे. त्यासाठी मी १ मे २०२१ ही महाराष्ट्र दिनाची तारीख सुचवित आहे. सदस्यांनी दुपारी १२.३० वाजता खारघर हॉस्पिटल येथे २ तासासाठी यावे व आयोजनात सक्रिय सहभाग द्यावा.

यशवंतराव चव्हाण प्रतिष्ठान, नवी मुंबई केंद्रातर्फे
"यशवंत सन्मान २०२१" हा पुरस्कार व वैद्यकीय उपकरणाचे वाटप..

WhatsApp Image 2021 02 20 at 11.12.41 AM 1

यशवंतराव चव्हाण प्रतिष्ठान, नवी मुंबई केंद्रातर्फे जेष्ठ नागरिक संघाच्या रुग्ण सेवा केंद्रास रु एक लाखाची विविध वैद्यकीय उपकरणे प्रतिष्ठानच्या कार्याध्यक्षा मा.खासदार सुप्रियाताई सुळे यांच्या हस्ते शिवाजी महाराजांच्या जयंती दिनी १९ फेब्रुवारी २०२१ रोजी समारंभपूर्वक प्रदान करण्यात आले. त्यावेळी मा नामदार दिलीप वळसे पाटील, मंत्री, महाराष्ट्र राज्य यांचे शुभहस्ते नव्या मुंबईतील विविध क्षेत्रात भरीव कार्य १९ गुणी संस्था / व्यक्ती यांना यशवंत सन्मान पुरस्कार प्रदान करून गौरविण्यात आले. याप्रसंगी यशवंतराव चव्हाण प्रतिष्ठान, नवी मुंबई केंद्राचे अध्यक्ष प्रमोद कर्नाड, सचिव डॉ अशोक पाटील, राष्ट्रवादीचे नेते शशिकांत शिंदे, आनंद परांजपे, जेष्ठ नागरिक संघांचे अध्यक्ष श्री वाळवेकर व सर्व सदस्य, पदाधिकारी उपास्थित होते.

   

विभागीय केंद्र - नवी मुंबई

मा. प्रमोद कर्नाड
अध्यक्ष विभागीय केंद्र, नवी मुंबई
डॉ. अशोक पाटील, सचिव
द्वारा प्रमोद कर्नाड, ०३/ए-१, अलकनंदा, 
कै. सौ. हिर कर्नाड मार्ग, सेक्टर-१९ए
नेरुळ, नवी मुंबई - ४००७०७.
संपर्क : ९८१९३३९९४४ /९८६७६३३९९
ईमेल : pramodkarnad@gmail.com, 
ycpnavimumbai@gmail.com

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft