"यशवंतराव चव्हाण राष्ट्रीय पुरस्कार"
एमकेसीएलचे विवेक सावंत यांना प्रदान...

WhatsApp Image 2021 03 12 at 9.36.23 PM 1

महाराष्ट्र राज्याचे पहिले मुख्यमंत्री यशवंतराव चव्हाण यांच्या १०८ व्या जयंतीच्या कार्यक्रमांचे स्वागत व प्रास्ताविक प्रतिष्ठानच्या कार्याध्यक्षा सुप्रिया सुळे यांनी केले. त्यानंतर "यशवंतराव चव्हाण राष्ट्रीय पुरस्कार" समितीचे अध्यक्ष अनिल काकोडकर यांनी राष्ट्रीय पुरस्काराबद्दल थोडक्यात माहिती दिली. त्यानंतर राष्ट्रीय पुरस्काराच्या मानपत्राचे वाचन प्रतिष्ठानचे सरचिटणीस शरद काळे यांनी केले. प्रतिष्ठानचे अध्यक्ष शरद पवार यांच्या हस्ते एमकेसीएलचे विवेक सावंत यांना २०२० चा यशवंतराव चव्हाण राष्ट्रीय पुरस्कार देऊन सन्मानित करण्यात आले. पुरस्काराचे स्वरुप रुपये ५ लाख रुपये, शाल, श्रीफळ व सन्मानपत्र.

शरद पवार यांनी अध्यक्षीय भाषणामध्ये यशवंतराव चव्हाण प्रतिष्ठानची स्थापना होऊन आज ३५ वर्षे झाली आणि आपण आज इथे स्व. यशवंतराव चव्हाण यांची १०८ वी जयंती साजरी करत आहोत. राज्यात वा राष्ट्रीय स्तरावर विविध क्षेत्रात विशेष योगदान देणाऱ्या व्यक्तींचा दरवर्षी यादिवशी आपण पुरस्कार देऊन गौरव करत असतो. विवेक सामंत यांच्याबद्दल बोलताना विवेक सावंत स्वतःला पूर्णपणे झोकून देऊन आपल्या क्षेत्रात काम करत आले आहेत. आज घरोघरी संगणक पोहचले असले तरी एक काळ असा होता की अनेकांचा संगणकाशी परिचय नव्हता. पुण्यात सी-डॅकची स्थापना झाल्यानंतर तिथे डॉ. भटकर आणि त्यांची टीम काम करत होती. संगणकाची क्रांती तेव्हा सुरू झाली होती. त्यांच्या प्राथमिक संचात सावंत होते. संगणकाचे ज्ञान विस्तारीत स्वरूपात आणण्यात त्यांचा प्रमुख सहभाग होता. तत्कालीन शिक्षण मंत्री दिलीप वळसे पाटील हे एमकेसीएलचे (Maharashtra Knowledge Corporation Ltd.) पहिले अध्यक्ष असताना या विभागाची स्थापना त्यांनी सावंत यांच्या सहकार्याने केली. नंतर राजेश टोपे यांच्यावर या संस्थेची जबाबदारी होती. त्यांनीही या संस्थेचा विस्तार कसा होईल, याची काळजी घेतली. सावंत यांच्या कामात यत्किंचितही ढवळाढवळ न करता उलट त्यांचे कार्य कसे पुढे जाईल, याची दक्षता या दोघांनीही घेतली. आज सावंत यांचे कार्य केवळ महाराष्ट्रापुरते मर्यादित राहिलेले नाही. तर ते राष्ट्रीय आणि आंतरराष्ट्रीय पातळीवर पोहचले आहे. आज बिहारसारख्या राज्यात देखील एमकेसीएलचे काम सुरू आहे. आखाती देशात देखील एमकेसीएलचे काम पोहचले आहे. आगामी काळात संगणक शिक्षित आणि संगणक अशिक्षित ही एकप्रकारची दरी समाजात राहता कामा नये, असे मला वाटते. साक्षरतेची चर्चा आता वेगळ्या दृष्टीने व्हायला हवी. ज्ञानाच्या कक्षा वाढत असून त्याचा फायदा नव्या पिढीला मिळावा यादृष्टीने सावंत यांनी केलेली कामगिरी महत्त्वाची आहे. 

विवेक सावंत यांनी भाषणामध्ये एमकेसीएलचे तीनही अध्यक्ष येथे एका स्टेजवर आहेत असा हा त्रिवेणी संगम अतिशय महत्वाचा आहे. शरद पवार व अनिल काकोडकर अशा व्यक्तींचा माझ्यावर प्रभाव आहे असे त्यांनी सांगितले तसेच माझ्या पत्नीचा ही मोठा सहभाग आहे. पुरस्कार मिळालेले रक्कम त्यांनी एमकेसीएल फाऊडेशन दिले. कार्यक्रम पाहण्यासाठी व ऐकण्यासाठी https://youtu.be/-bynN9P3VYI लिंकवर क्लिक करा...

‘यशवंतराव चव्हाण राष्ट्रीय पुरस्कार - २०२० 'विवेक सावंत' यांना...

001


राज्याचे पहिले मुख्यमंत्री दिवंगत यशवंतराव चव्हाण यांची १०८ वी जयंती १२ मार्च रोजी सायंकाळी ५.०० वाजता नरिमन पॉईंट येथील यशवंतराव चव्हाण सेंटरमध्ये साजरी करण्यात येणार आहे. प्रतिष्ठानचे अध्यक्ष खासदार शरद पवार हे समारंभाचे अध्यक्षपद भूषविणार आहेत. या कार्यक्रमात ‘यशवंतराव चव्हाण राष्ट्रीय पुरस्कार - २०२०' हा पुरस्कार 'एमकेसीएल'च्या विवेक सावंत यांना प्रदान करण्यात येणार आहे.. हा सोहळा शुक्रवार दिनांक १२ मार्च २०२१ रोजी सायंकाळी ५ वाजता, यशवंतराव चव्हाण सेंटर, जनरल जगन्नाथराव भोसले मार्ग, नरिमन पॉईंट, मुंबई येथे पार पडेल. तरी आपण सर्वांनी या सोहळ्यास उपस्थित रहावे, असे आवाहन प्रतिष्ठान तर्फे करण्यात आले आहे हा कार्यक्रम यशवंतराव चव्हाण प्रतिष्ठानच्या फेसबुक लाईव्ह (https://facebook.com/ycp100) हा कार्यक्रम पाहता येऊ शकतो.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft