सोशल डिस्टेंसिंगचा वापर करत यशवंतराव चव्हाण प्रतिष्ठान, मुंबईच्या
रक्तदान शिबिराला उत्स्फूर्त प्रतिसाद....
यशवंतराव चव्हाण प्रतिष्ठानचे सरचिटणीस मा. श.गं.काळे साहेब आणि कार्याध्यक्ष मा. खा. सुप्रियाताई सुळे यांच्या संकल्पनेतून आयोजित रक्तदान शिबिराला उत्सफूर्त प्रतिसाद मिळाला. मा. शरद काळे व खा. सुप्रियाताई सुळे यांच्या हस्ते रक्तदात्यांना प्रमाणपत्र वाटप करण्यात आले.
यशवंतरावचव्हाण राज्यस्तरीय सामाजिक व
क्रीडा युवा पुरस्कार -२०२०-२१ जाहीर
चंद्रशेखर तांदळे व गायत्री सावजी यांना सामाजिक पुरस्कार
हर्षद राव व निकिता पवार यांना क्रीडा पुरस्कार
तर मानसी जोशी विशेष युवा क्रीडा पुरस्काराची...ठरले मानकरी
यशवंतराव चव्हाण प्रतिष्ठान, मुंबईच्या नवमहाराष्ट्र युवा अभियानातर्फे दरवर्षी दिल्या जाणा-या ‘यशवंतराव चव्हाण राज्यस्तरीय युवा सामाजिक व क्रीडा पुरस्कार २०२०-२१’ ची घोषणा करण्यात आली आहे. महाराष्ट्राच्या सर्वांगीण विकासासाठी युवा आंदोलनाच्या क्षेत्रात विधायक व रचनात्मक काम करणा-या युवक-युवतींना सामाजिक युवा पुरस्कार देण्यात येतो तसेच महाराष्ट्रातील उत्कृष्ट खेळाडूंच्या कार्याचे मूल्यमापन होऊन त्यांचा गौरव व्हावा आणि प्रोत्साहन मिळावे हे क्रीडा पुरस्काराचे उद्दिष्ट आहे. सदरील पुरस्कारांचे वितरण नवमहाराष्ट्र युवा अभियानाच्या निमंत्रक व प्रतिष्ठानच्या कार्याध्यक्ष खा. सुप्रिया सुळे व इतर मान्यवर यांच्या प्रमुख उपस्थितीत करण्यात येणार आहे.
या वर्षीचा ‘यशवंतराव चव्हाण राज्यस्तरीय सामाजिक युवा पुरस्कार चंद्रशेखर तांदळे, वाळवा, जि. सांगली (दुष्काळग्रस्तांना 'एक ओंजळ दुष्काळग्रस्तांसाठी' हे अभियान राबविले. ग्रामीण, दुर्गम व डोंगरी भागातील नागरिक मुख्य प्रवाहात यावेत यासाठी सातत्याने प्रबोधन.) व गायत्री सावजी,जि. बुलडाणा ( बुलडाणा जिल्ह्यातील विविध ग्रामीण भागातील स्त्रियांसाठी आरोग्य शिबीर, शेतकरी आत्महत्त्या, गर्भपात या विषयावर समाजप्रबोधनपर व्याख्याने आयोजन, मुलींसाठी दशा व दिशा यावर मार्गदर्शन)
तर क्रीडा पुरस्कार - 'युवक व युवती' क्रिडा क्षेत्रातील उल्लेखनीय कामगिरीबद्दल हर्षद राव, पुणे (गिर्यारोहण – लडाख ६०१० यशस्वी चढाई, वयाच्या १९ व्या वर्षी माउंट एवरेस्टवर विजय ) व निकिता पवार, उस्मानाबाद, (खो खो - राज्य व राष्ट्रीय स्पर्धेमध्ये पारितोषिके ) यांना जाहीर झाले आहे. मानसी जोशी ( पॅरा बॅडमिंटन : जागतिक स्पर्धेत रौप्य पदक व कास्य पदक पारितोषिके ) यांना 'यशवंतराव चव्हाण राज्यस्तरीय विशेष युवा क्रिडा पुरस्कार देऊन सन्मानित करण्यात येणार आहे.‘यशवंतराव चव्हाण राज्यस्तरीय सामाजिक व क्रीडा युवा पुरस्कारांचे स्वरूप प्रत्येकी २१ हजार रु. रोख, व सन्मानपत्र असे आहे. तर विशेष युवा क्रीडा पुरस्काराचे स्वरूप ५१ हजार रुपये रोख व सन्मानपत्र असे आहे. यंदाचे हे पुरस्काराचे २४ वे वर्ष आहे.
यशवंतराव चव्हाण प्रतिष्ठान, मुंबई. आयोजित
संविधान परिचय वर्ग दिनांक ११ एप्रिल २०२१ पासून..
सत्रे १५ | प्रत्येक सत्र २ तास | प्रत्येक रविवारी ३ सत्रे |
एकूण ५ रविवार | वेळ : स. ११ ते सायं. ६
आपला देश लोकशाही गणराज्य आहे. म्हणजेच आपण सर्व नागरिक आपले प्रतिनिधी निवडून त्यांच्यातर्फे त्याचा कारभार करत असतो. आपल्या संविधानाच्या उद्देशिकेची सुरुवातच ‘आम्ही भारताचे लोक’ या शब्दांनी केलेली आहे. राज्यकारभार कसा चालवावा एवढेच नव्हे, तर तो काय उद्दिष्टांनी चालवावा याचे दिग्दर्शन संविधानात आहे. त्यामुळे सजग नागरिकत्वासाठी संविधानातील किमान मूल्ये व सूत्रे समजून घेणे गरजेचे आहे. आपल्या नागरिकत्वाची ती पूर्वअट आहे. यादृष्टीने सर्वसामान्य नागरिकांना संविधानातील प्रमुख बाबींचा सुबोध परिचय करुन देण्यासाठी व या नागरिकांनी संवादक बनून इतरांना तो सुबोधपणे समजावण्यासाठी आम्ही हा ‘संविधान परिचय वर्ग’ सुरु करत आहोत. वर नमूद केल्याप्रमाणे तो दर रविवारी असेल. एकूम पाच रविवार हा वर्ग चालेल. एक वर्ग संपला की दुसरा वर्ग असे नियमितपणे हे वर्ग चालविण्याचा आमचा मानस आहे. सर्व वयोगटांतील स्त्री-पुरुषांसाठी प्रवेश खुला आहे.
पहिल्या वर्गासाठीचे प्रवेश सुरु करत आहोत. या वर्गासाठीचे शुल्क प्रत्येकी ५०० रु. आहे. यात दोन चहा व एकवेळच्या जेवणाचा खर्च समाविष्ट आहे. वर्गाच्या शेवटी सहभागीत्वाचे प्रमाणपत्र देण्यात येईल. प्रवेशासाठी गुगल फॉर्म https://cutt.ly/Cxr4EWj भरुन पाठवावा. त्यासाठी खालील ईमेल आयडी अथवा फोन क्रमांकावर संपर्क करावा. प्रत्येक वर्ग मर्यादित संख्येचा असल्याने प्रवेश मागणाऱ्या प्रत्येकास पहिल्या वर्गात प्रवेश मिळेलच असे नाही. ज्यांना पहिल्या वर्गात घेता येणार नाही, त्यांना पुढील वर्गांसाठीच्या प्रतीक्षा यादीवर ठेवण्यात येईल.
अधिक माहिती साठी संपर्क : मनिषा खिल्लारे -९०२२७१६९१३, निलेश खानविलकर - ९८२१४३५६३६ तसेच This email address is being protected from spambots. You need JavaScript enabled to view it..
