२५ नोव्हेंबरला वार्षिक शिक्षण परिषद
शिक्षण विकास मंच आणि यशवंतराव चव्हाण प्रतिष्ठान मुंबई यांच्या संयुक्त विद्यमाने वार्षिक शिक्षण परिषद आयोजीत केली आहे. या परिषदे मध्ये सेमी-इंग्रजी : काळ, आज आणि उद्या या विषयावर चर्चा होणार आहे. हा कार्यक्रम शनिवारी दिनांक २५ नोव्हेंबर २०१७ सकाळी ९.३० ते ५.३० या वेळेत रंगस्वर' चौथा मजला, यशवंतराव चव्हाण प्रतिष्टान, मुंबई, जन. जगन्नाथ भोसले मार्ग, मंत्रालयासमोर, मुंबई येथे होईल. या कार्यक्रमामध्ये 'शिक्षण विकास मंच' चे मुख्य संयोजक डॉ. वसंत काळपांडे आणि बसंती रॉय उपस्थितांना मार्गदर्शन करतील.
'शैक्षणिक प्रगती चाचण्या''चे चर्चासत्र संपन्न...
शिक्षणप्रेंमींनी शिक्षणाविषयी काही औपचारिक आणि काही अनौपचारिक पध्दतीने चर्चा करण्याचे ठिकाण म्हणजेच शिक्षण विकास मंच चा 'शिक्षण कट्टा'. शिक्षकतज्ज्ञ, मुख्याध्यापक, शिक्षक, पत्रकार, पालक आणि विद्यार्थी यांना घेऊन हा कट्टा मागील पाच वर्षांपासून कार्यरत आहे. शिक्षण विकास मंच, यशवंतराव चव्हाण प्रतिष्ठान ,मुंबई यांच्या संयुक्त विद्यमाने शैक्षणिक प्रगती चाचणी यावर विशेष चर्चा करण्यात आली. या कार्यक्रमाचे प्रास्ताविक बसंती रॉय यांनी केले. तर राज्यभरातून आलेल्या शिक्षकांना वसंत काळपांडे यांनी उत्तम मार्गदर्शन केले.
कार्यक्रमामध्ये राज्यभरातील सरकारी आणि खाजगी शाळांच्या आकडेवारीनुसार चर्चा झाली.
