शिक्षण विकास मंच, यशवंतराव चव्हाण प्रतिष्ठान, मुंबई आयोजित वेबिनार
विषय: कोरोना काळातील OFFLINE अभ्यास
शनिवार: दिनांक ११ जुलै २०२०
सायंकाळी ४ ते ६
प्लॅटफॉर्म: ZOOM CLOUD MEETING

education 11072020 1

पार्श्वभूमी:
कोरोनामुळे सध्या शाळा बंद आहेत. शासनाने एक वेळापत्रक तयार करून नियोजन दिले असले, तरी मुलांना शाळेत पाठवावे, अशी सध्यातरी पालकांची मानसिकता नाही. “शून्य शिक्षण वर्ष” असाही एक विचार पुढे येत आहे. मुले अनुभवांतून स्वत:ची स्वत: शिकतात, हे खरे असले तरी तेवढेच पुरेसे नाही. त्यांना मोठ्यांची मदत लागतेच. त्यासाठी फक्त पालक तर असतातच, शिवाय आपल्या सहाध्यायांसोबत त्यांना शिकता आले तर त्यांचा उत्साह टिकून राहतो आणि शिकण्याचा वेगही वाढतो. प्रत्यक्ष कृतींची जोड मिळाल्याशिवाय अध्ययन प्रभावी होऊ शकत नाही. शासनाने आणि काही खासगी संस्थांनी ऑनलाईन शिक्षण सुरू केले आहेत. परंतु ऑनलाईन कार्यक्रमांच्यासुद्धा भरपूर मर्यादा आहेत. चांगल्या दर्जाचे ऑनलाईन कार्यक्रम पूरक कार्यक्रम म्हणून नक्कीच उपयोगी पडू शकतात, परंतु शालेय स्तरावर तरी ते ऑफलाईन अभ्यासाची जागा नक्कीच घेऊ शकत नाहीत. ऑनलाईन शिक्षणावर मोठ्या संख्येने वेबिनार झाले आहेत, चर्चा झाल्या आहेत,लेख प्रकाशित झाले आहेत आणि समाज माध्यमांतूनही भरपूर प्रतिक्रिया आल्या आहेत. मात्र ऑफलाईन अभ्यासाच्या आघाडीवर तेवढा विचार अजून झाला नाही.

BANNER 4072020 1शिक्षण विकास मंच, यशवंतराव चव्हाण प्रतिष्ठान, मुंबई आयोजित
साक्षीभाव आणि जीवन कौशल्ये (Mindfulness and Life Skills)
शनिवार, दिनांक ०४ जुलै, २०२० सायंकाळी ४.०० ते ६.००.
डॉ. यश वेलणकर यांच्याशी संवाद

पार्श्वभूमी
अनेक दिवसांपासून 'शिक्षण विकास मंच'चे सदस्य नितीन खंडाळे लोकसत्तामध्ये येणारे डॉ. यश वेलणकर यांच्या "मनोवेध" या सदरातील लेख 'शिक्षण विकास मंच' च्या समूहांवर आणि इतर समाज माध्यमांतून नियमितपणे टाकत असतात.
साक्षीभाव किंवा Mindfulness ही या लेखमालेची मध्यवर्ती संकल्पना आहे. विचारांत गुंतून न जाता त्यांच्यापासून वेगळे होऊन ते पाहू लागणे , म्हणजे साक्षीभाव. या विषयाचा शालेय शिक्षणाशी कसा संबंध पोचतो, याची चर्चा करणारा एखादा शिक्षण कट्टा आयोजित करावा, असे अनेकांनी सुचवले होते. त्यानुसार डॉ. यश वेलणकर यांच्याशी संवाद साधणारा हा वेबिनार आम्ही आयोजित करत आहोत.
साक्षीभाव या संकल्पनेचा शालेय विद्यार्थ्यांमध्ये जीवन कौशल्ये विकसित करण्यासाठी उपयोग होऊ शकेल काय आणि असल्यास कसा, यावर चर्चा करणे हा या वेबिनारचा प्रमुख हेतू आहे.

वेळापत्रक
- स्वागत आणि प्रास्ताविक: डॉ. वसंत काळपांडे
- मनोगत: सुप्रियाताई सुळे
- डॉ यश वेलणकर यांच्याशी संवाद संवादक: काकासाहेब वाळुंजकर
- प्रश्नोत्तरे
- समारोप आणि आभार: बसंती रॉय

झूम मीटिंगमध्ये कार्यक्रमाचे आयोजक आणि शिक्षण विकास मंचच्या कार्यक्रमांत वेळोवेळी मदत करणारे सदस्य मिळून १०० सदस्य पूर्ण झाल्यामुळे फेसबुक लाइव्हच्या माध्यमातूनच हा कार्यक्रम पहावा, अशी सर्वाना विनंती आहे.

- डॉ. वसंत काळपांडे, मुख्य संयोजक,
शिक्षण विकास मंच, यशवंतराव चव्हाण प्रतिष्ठान, मुंबई

   

शिक्षण विकास मंच  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft