यशवंतराव चव्हाण प्रतिष्ठानतर्फे चित्रपटप्रेमींसाठी शनिवारी ‘विरीडीयाना’

नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार १५ डिसेंबर २०१८ रोजी सायंकाळी ६.३० वाजता सुप्रसिद्ध स्पॅनीश दिग्दर्शक लुई ब्युनेल यांचा ‘विरीडीयाना’ हा चित्रपट दाखविण्यात येणार आहे.

सदर चित्रपट डिझास्टर मॅनेजमेंट अ‍ॅण्ड ट्रेनिंग हब, ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूर रोड, नाशिक येथे दाखविण्यात येणार आहे.
सर्वश्रेष्ठ चित्रपट दिग्दर्शकांच्या यादीतील एक नाव म्हणजे स्पॅनिश दिग्दर्शक लुई ब्युनेल. लेखक, दिग्दर्शक, नट, निर्माते अशा विविध भुमिकांत त्यांनी स्पेन व मेक्सिको मधुन प्रदिर्घकाळ चित्रनिर्मिती केली. कलांमधील अतिवास्तववाद चित्रपटात आणणारे ते पहिले दिग्दर्शक होते. राजकारण, धर्म, नैतिकता, सामाजिक प्रश्‍न यांची परखड चिकीत्सा त्यांच्या चित्रपटातून दिसते.

विरीदीयाना ही एका तरूण ननची कथा आहे. मदरच्या विनंतीवरून ती तिच्या काकांना भेटण्यासाठी जाते. परंतु काकांच्या विपरीत वागणुकीमुळे हिच्यावर भलतेच धर्मसंकट ओढवते. त्यातुन निर्माण झालेल्या अपराधी भावनेतून विरीदियाना काय करते हे जाणुन घेण्यासाठी पहा विरीदियाना. सन १९६१ मध्ये प्रदर्शित झालेल्या या स्पॅनिश चित्रपटाचा कालावधी ९० मिनिटांचा आहे.

हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

विंदांच्या समृद्ध व नाट्यमय सहित्य सादरीकरणाने रसिकांना अनोखी अनुभूती



नाशिक : विंदांच्या विचारांचा प्रखर वेग आणि शब्दांचे सामर्थ्य यांची अनुभूती ‘स्वच्छंद’ या कार्यक्रमातून आली. विंदांचे ललीत लेखन, नाटक, बालकविता, अनुवाद यांची अनोखी पर्वणी रसिकांना अनुभवाला मिळाली. समकालीन वास्तवाचे भान आणि भविष्यातील घटनांचे पडसाद त्यांना खुणावत असत आणि त्यातून त्यांची लेखन निर्मिती होत असे. ‘माझ्या मनाबन दगड’ सारखी अस्तित्वाला भिडण्याची नेमकी जाणीव करून देणारी कविता असो किंवा ‘फाऊस्ट’ अनुवादीत नाटकातील उतारा रसिकांना मंत्रमुग्ध करून गेला. काळाला पुरून उरणार्‍या शब्दांचा प्रवास सादरीकरणातून येत होता.’

महाराष्ट्राचे थोर शिल्पकार स्व. यशवंतराव चव्हाण यांच्या 34व्या पुण्यतिथीच्या पुर्वसंध्येला कवी विंदा करंदीकर यांच्या समग्र साहित्य निर्मितीचे दर्शन घडविणार्‍या ‘स्वच्छंद’ कार्यक्रमाचे आयोजन करण्यात आले होते. यशवंतराव चव्हाण प्रतिष्ठान मुंबई, विभागीय केंद्र नाशिक, विश्वास को-ऑप.बँक लि., नाशिक, सारस्वत बँक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, व रेडिओ विश्वास 90.8 कम्युनिटी रेडिओ यांच्या संयुक्तविद्यमाने शनिवार 24 नोव्हेंबर 2018 रोजी सायंकाळी 6.00 वाजता अ‍ॅडमिनिस्ट्रेटीव्ह डिझास्टर मॅनेजमेंट अ‍ॅण्ड ट्रेनिंग हब, ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूर रोड, नाशिक-422013 येथे हा कार्यक्रम संपन्न झाला.

विंदांच्या लेखनातील नाट्यमयता, चित्रमयता यांचे अनोखे दर्शन कार्यक्रमातून घडत होते. कवीला, लेखकाला दुरदृष्टी असावी आणि त्यातून काळाचे प्रश्‍न नेमकेपणाने मांडता येतात याचाच हा अनुभव होता. सर्वसामान्य माणूस हा केंद्रबिंदू असलेले विंदांचे लेखन म्हणूनच आपले पणाची जाणीव करून देते हाच प्रत्यय होता. विंदांच्या मनाची विशालता व जीवनप्रवास यातून समोर आला.

वसंतराव आचरेकर सांस्कृतिक प्रतिष्ठान, कणकवली निर्मित ‘स्वच्छंद’ कार्यक्रमात ज्ञानपीठ पुरस्कार विजेते कवी विंदा करंदीकर यांच्या समग्र साहित्याचे दर्शन घडवण्यात आले. यात विंदांचे ललित लेखन, नाटक, बालकविता अनुवाद, वैचारिक साहित्याचे प्रभावीपणे सादरीकरण करण्यात आले.

सदर कार्यक्रमाची संहिता- डॉ. विद्याधर करंदीकर, निर्मिती संकल्पना व नेपथ्य- वामन पंडित, संगीत- माधव गावकर, कलाकार- वामन पंडित, अनिल फराकटे, प्रसाद घाणेकर, विद्यागौरी ताम्हनकर, माधव गावकर यांनी सादरीकरण केले.

सदर कार्यक्रमाचे स्वागत व प्रास्ताविक विश्वास ठाकूर यांनी केले. कलावंतांचा सन्मान निवृत्ती अरींगळे यांनी केला. कार्यक्रमास कवी किशोर पाठक, अरविंद ओढेकर, डी.जे. हंसवाणी, डॉ. फैय्याज रघुनाथ फडणीस, कवी लक्ष्मण महाडीक, डॉ. प्राचार्य लीना पांढरे , डॉ. विवेक खरे, डॉ. शरद बिन्नोर, सुरेखा बोर्‍हाडे व रसिक मोठ्या संख्येने उपस्थित होते.

   

 विभागीय केंद्र - नाशिक

 मा. श्री. विनायकराव पाटील
 
अध्यक्ष विभागीय केंद्र, नाशिक
 मा. श्री. विश्वास ठाकूर (कार्याध्यक्ष)
 श्री. विलास लोणारी, सचिव

 आनंदवल्ली, दुसरा मजला,
 गंगापूर पोलीस स्टेशन,
 सावरकर नगर, गंगापूर रोड
 नाशिक- ४२२०१३
 कार्यालय : ०२५३ - २३४४५४५ / ९८२२७५००३३
 ईमेल : vinayakpatilnsk@gmail.com

   

वृत्तपत्रीय दखल (नाशिक)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft