जिद्द व धडपड या माझ्यासाठी जीवन घडविणार्‍या गोष्टी - लेखक वसंत लिमये



नाशिक : काहीतरी नवीन घडवण्याची जिद्द आणि त्यासाठी करावी लागणारी धडपड या दोन गोष्टी माझ्या जीवनाला दिशा देणार्‍या ठरल्या. आयुष्याच्या वळणावर आल्यावर नवा रस्ता दिसत गेला. वाट सापडत गेली. धडपड प्रामाणिकपणे केल्यास चांगली माणसे आपोआप भेटतात असे प्रतिपादन. सुप्रसिद्ध लेखक वसंत वसंत लिमये यांनी केले.

यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, ग्रंथ तुमच्या दारी, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास 90.8 कम्युनिटी रेडिओ यांच्या संयुक्त विद्यमाने सदर मुलाखतीचे आयोजन करण्यात डिझास्टर मॅनेजमेंट अ‍ॅण्ड ट्रेनिंग हब, ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूर रोड, नाशिक येथे आयोजन करण्यात आले होते. वसंत लिमये यांची मुलाखत आ. हेमंत टकले यांनी घेतली.

जीवनातील विविध अनुभवांचा प्रवास लिमये यांनी उलगडून दाखवला. ते म्हणाले की, वडीलांकडून मनस्वीपणा हा गुण घेतला. गिर्यारोहण, फोटोग्राफी नाटकात अभिनय, साहस शिबीरे यात स्वत:ला शोधत होतो. तो जगण्याचा आनंदाचा भाग होता, आय.आय.टी. मधील शिक्षण, स्कॉटलंड, सौदी अरेबिया, यु.के. अशा विविध देशात फिरून विविध अनुभव घेतले.
डॉ. आनंद नाडकर्णी यांच्या सांगण्यावरून निखिल वागळेंच्या ‘महानगर’मधील ‘धुंद-स्वच्छंद’ हा कॉलमचे लेखन आणि त्यानंतर दिनकर गांगल यांचा सहवास लेखनाकडे नेण्याची प्रक्रीया होती. आणि त्यानंतर ‘लॉक ग्रिफिन’ विश्वस्त सारख्या कादंबर्‍यांचे लेखन आणि त्याला मिळालेली वाचकप्रियता माझ्या लेखनाला बळ देणारी होती. ‘सत्य आणि कल्पित’ या सीमारेषेवर घडणारे नाट्यमय खेळ हे माझ्या कादंबर्‍यांचे सूत्र आहे. लिमये यांच्या जीवनाचा वैविध्यपूर्ण सृजनशील प्रवास सर्वांसाठी प्रेरणादायी ठरला.

कार्यक्रमाचे स्वागत व प्रास्ताविक विनायक रानडे यांनी केले. तर वसंत लिमये यांचा सन्मान डॉ. मनोज शिंपी यांनी केला. तसेच हेमंत टकले यांचा सन्मान मिलींद जहागीरदार यांनी केला. सदर कार्यक्रमास बी.जी. वाघ, गणेश ओतुरकर, नरेश महाजन, डी.जे. हंसवाणी, डॉ. राहूल पाटील, डॉ. शरद बिन्नोर, पंकज क्षेमकल्याणी, अश्‍विनी कुलकर्णी, रघुनाथ सावे, मिलिंद जहागिरदार आदी मान्यवर उपस्थित होते.

रविवारी सुप्रसिद्ध लेखक वसंत लिमये यांची जाहीर मुलाखत
मुलाखतकार, आ. हेमंत टकले



नाशिक : लॉक ग्रिफिन, विश्वस्त या लोकप्रिय कादंबर्‍यांचे लेखक वसंत लिमये यांच्या जाहीर मुलाखतीचे आयोजन करण्यात आले आहे. श्री. लिमये यांची मुलाखत आ. हेमंत टकले घेणार आहेत.

यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, ग्रंथ तुमच्या दारी, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने सदर मुलाखतीचे आयोजन करण्यात आले आहे. रविवार दि. २३ डिसेंबर २०१८ रोजी सकाळी १०.३० वाजता डिझास्टर मॅनेजमेंट अ‍ॅण्ड ट्रेनिंग हब, ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूर रोड, नाशिक येथे हा कार्यक्रम संपन्न होणार आहे.

आय.आय.टी. मधून मेकॅनिकल इंजिनिअरची पदवी घेऊन बाहेर पडलेल्या वसंत लिमये यांनी आय.टी. क्षेत्रातील मोठ्या पगाराची नोकरी न करता गिर्यारोहण, फोटोग्राफी व लेखन अशा विविध क्षेत्रात मुशाफिरी करत आहेत. लॉक ग्रिफिन, विश्‍वस्त, कॅम्पफायर अशा पुस्तकांनी त्यांनी आपला स्वतंत्र वाचक वर्ग निर्माण केला आहे. अशा बहुआयामी व्यक्तिमत्त्वाची जीवन व साहित्य प्रवासाची सफर मुलाखतीतून उलगडली जाणार आहे.

तरी या कार्यक्रमास जास्तीत जास्त संख्येने उपस्थित राहण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे तसेच विश्वास ज्ञानप्रबोधिनी अ‍ॅण्ड रिसर्च इन्स्टिट्यूटचे अध्यक्ष डॉ. मनोज शिंपी, ग्रंथ तुमच्या दारीचे शिल्पकार विनायक रानडे यांनी केले आहे.

   

 विभागीय केंद्र - नाशिक

 मा. श्री. विनायकराव पाटील
 
अध्यक्ष विभागीय केंद्र, नाशिक
 मा. श्री. विश्वास ठाकूर (कार्याध्यक्ष)
 श्री. विलास लोणारी, सचिव

 आनंदवल्ली, दुसरा मजला,
 गंगापूर पोलीस स्टेशन,
 सावरकर नगर, गंगापूर रोड
 नाशिक- ४२२०१३
 कार्यालय : ०२५३ - २३४४५४५ / ९८२२७५००३३
 ईमेल : vinayakpatilnsk@gmail.com

   

वृत्तपत्रीय दखल (नाशिक)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft