ज्येष्ठ नागरिक गौरव समारंभ व विशेष सांगितिक कार्यक्रम संपन्न...

ठाणे विभागीय केंद्र : ३० सप्टेंबर २०१६ रोजी ज्येष्ठ नागरिक दिनाच्या पूर्वसंध्येला ठाण्यातील सहयोग मंदिराच्या दुस-या मजल्यावरच्या सभागृहात सुप्रसिद्ध गायिका डॉ. मृदुला दाढे जोशी व श्री. निलेश निरगुडकर यांच्या संगिताचा कार्यक्रम आयोजित केला होता. या कार्यक्रमात श्रीनिवास खळे, श्रीधर फडके, यशवंत देव यासारख्या जुन्या संगीतकारांनी संगीतबद्ध केलेल्या गाण्यांचा आस्वाद रसिकांना मनमुराद निमूल्य लुटण्याची सुवर्णसंधी लाभली. यावेळी ठाणे शहरातील ६ ज्येष्ठ नागरिकांचा सत्कार करण्यात आला. त्यात ज्येष्ठ उद्योजक श्री. मदन देशपांडे, घरोघरी जाऊन रुग्णांची सेव करत असताना रोटरीच्या पोलिओ मोहिमेचे नेतृत्व केलेले डॉ. अरविंद भडकमकर, शैक्षणिक क्षेत्रात झोकून दिलेल्या आणि राबोटी तसेत घोडबंदर येथील प्रतिथयश सरस्वती विद्यालयाच्या सर्वेसर्वो सौ. मीरा कोर्डे, ई. एन. टी. मध्ये सर्जन असलेले जे. जे. रुग्णालयाचे माजी प्रमुख ज्यांनी अनेक निपुण डॉक्टर घडवलेत असे डॉ. भागवत चौधरी, कै. सुधीर फडके यांचे शिष्य ज्यांनी ४१६१ गीतरामायणाचे कार्यक्रम करुन समाजाला रिझवले आहे असे श्री. चंद्रकांत चव्हाण, ज्यांनी श्वास या चित्रपटाची कथा लिहून मराठी चित्रपटाला ऑस्कर पर्यंत नेऊन पोचविले आणि ज्यांच्या साहित्याने उभ्या महाराष्ट्राला वाचनाची गोडी लावली अशा सौ. माधवी घारपुरे या सर्वांचा यावेळी शाल, श्रीफळ, मानपत्र तसेच स्मृतीचिन्ह कार्यक्रमाचे अध्यक्ष श्री. जी.बी. पिंगुळकर यांच्या हस्ते प्रदान करुन गौरविण्यात आले. या कार्यक्रमासाठी महाराष्ट्र शासनाचे माजी नगर विकास विभागाचे सचिव श्री. जी. बी. पिगुळकर, आय.ए.एस लाभले होते. त्यांच्या हस्ते वरील सहा ज्येष्ठ नागरिकांचा सत्कार करण्यात आला.

 

ज्येष्ठांचा कार्यगौरव

ठाणे विभाग : ज्येष्ठ नागरिक दिनाचे औचित्य साधून यशवंतराव चव्हाण प्रतिष्ठानच्या ठाणे शाखेच्या वतीने विशेष कार्यक्रमाचे आयोजन करण्यात आले आहे. विविध क्षेत्रामध्ये सक्रिय असणा-या ज्येष्ठ नागरिकांचा गौरव या कार्यक्रमामध्ये करण्यात येणार आहे. त्याचबरोबर ज्येष्ठ नागरिकांसाठी विशेष सांगीतिक कार्यक्रमाचे आयोजन करण्यात आले आहे. 'महाराष्ट्र टाइम्स' हे कार्यक्रमाचे मीडिया पार्टनर आहेत.

ज्येष्ठ नागरिक हे आपल्या आयुष्याच्या सेकंड इनिंगमध्ये सर्वांना मार्गदर्शन करत असतात. आयुष्यभर मेहनत करुन सतत दुस-यांसाठी झटणा-या ज्येष्ठ नागरिकांचा दिवस साजरा करावा, या हेतूने यशवंतराव चव्हाण प्रतिष्ठानच्या वतीने ज्येष्ठ नागरिक दिवस साजरा करण्यात येणार आहे. या वयामध्येही सक्रिय असणा-या लोकांचा सामान्यांना परिचय व्हावा या हेतूने या कार्यक्रमाचे आयोजन करण्यात येत आहे. यासाठी मान्यवरांच्या वतीने ज्येष्ठ नागरिकांची निवड होणार असून त्यांचा सत्कार या कार्यक्रमामध्ये करण्यात येणार आहे. मृदुला दाढे-जोशी, निलेश निरगुडकर यांच्या सांगीतिक मैफलीचे आयोजन करण्यात आले आहे. ३० सप्टेंबर सायंकाळी ५.३० वाजता हा कार्यक्रमा पार पडेल.

   

विभागीय केंद्र - ठाणे

 मा. श्री. मुरलीधर नाले
 
अध्यक्ष विभागीय केंद्र, ठाणे
 १६, श्री सदिच्छा, मीठबंदर रोड,
 चेंदणी, ठाणे (पूर्व) - ४००६०३

 कार्यालय : ०२२-२५३२६७३४ / ९७६९६०३२३९
 ईमेल : amolmnale30@gmail.com

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft