माजी न्यायाधीश सन्मा. श्री. भास्करराव शेटे यांनी चव्हाण साहेबांचे बालपणीचे तसेच त्यांच्या वैयक्तीक आयुष्यातील काही प्रसंग सांगून वातावरण भावनीक बनवले. त्याचप्रमाणे चव्हाण साहेबांना जर समजून घ्यायचे असेल तर त्यांची पुस्तके जास्तीत जास्त वाचली पाहिजेत असेही सांगितले.

कोकण विभागीय समितीचे अध्यक्ष मा. श्री. राजाभाऊ लिमये यांनी आपल्या अध्यक्षीय भाषणात सांगितले की महाराष्ट्राला अग्रेसर राज्य घडविण्यात यशवंतरावांचा मोलाचा वाटा होता. राजकारणापलिकडचे नेतृत्व असल्यानेच त्यांनी साहित्य संस्कृती महामंडळ निर्माण केले. सुसंस्कृत समाजकारणी व नेतृत्व करणारे व्यक्तिमत्व म्हणून ते सुपरिचित होते. यशवंतराव चव्हाण राज्यातील एकमेव माणस जो केंद्रात महत्वाच्या मंत्रीपदावर होता मात्र दिल्लीतील राजकारण यशवंतरावांच्या स्वभावाला मिळते जुळते नव्हते. कोकण विभागीय समितीचे सदस्य श्री. प्रकाश काणे यांनी उपस्थितांचे आभार मानले तर प्रा. चंद्रमोहन देसाई यांनी कार्यक्रमाचे सुत्रसंचालन केले. स्व. यशवंतराव चव्हाण साहेबांचे जीवन विद्यार्थ्यांना समजावे यासाठी 'यशवंतराव चव्हाण जीवन प्रवाह' हे पुस्तक महाविद्यालयाला भेट म्हणून देण्यात आले
या कार्यक्रमाला कोकण विभागीय समिती उपाध्यक्ष डॉ. श्रीरंग कद्रेकर, सदस्या श्रीम. जानकीताई बेलोसे, जिल्हाध्यक्ष अभिजित खानविलकर, जिल्हा समिती सदस्य डॉ. अनिल जोशी, शहाजीराव खानविलकर, जयवंतराव विचारे, सदस्या युगंधरा राजेशिर्के, प्राची शिंदे, तसेच महाविद्यालयातील पठाण सर व इतर शिक्षकवर्ग ग्रामस्थ उपस्थित होते.

   

विभागीय केंद्र - कोंकण

 मा. श्री. राजाभाऊ लिमये
 
अध्यक्ष विभागीय केंद्र, कोंकण
 श्री. अनिल नेवाळकर, सचिव

 ३१२२, अन्नपूर्णा,
 गणपती मारुती मंदिरा समोर,
 टिळक आळी, जिल्हा रत्नागिरी,
 कार्यालय : ०२३५२-२२२३१२
 ईमेल : ycpratnagiri@gmail.com

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft