वारी : एक आनंदयात्रा छायाचित्र प्रदर्शन उद्घाटन समारंभ व मास्टर क्लास

 IMG 20190709 WA0042

वारकर्‍यांच्या चेहर्‍यावरील आनंदातच विठ्ठल!

समाजामध्ये जे आहे, तेच आपण टिपण्याचा प्रयत्न करत असतो. पाहणार्‍याला आपल्या फोटोतून विषयाचे आकलन झाले पाहिजे, तरच ती छायाचित्रकारिता बोलकी आणि प्रभावी होते, असा संदेश प्रख्यात छायाचित्रकार संदेश भंडारे यांनी हौशी छायाचित्रकारांना दिला. वारीतून खूप काही शिकायला मिळाले. आपण विठ्ठलाचा एकही फोटो काढला नाही; पण वारकर्‍यांच्या चेहर्‍यावरील निखळ आनंदातच विठ्ठल दिसला, असेही ते म्हणाले.
यशवंतराव चव्हाण प्रतिष्ठान, मुंबई विभागीय केंद्र औरंगाबाद, एमजीएम पत्रकारिता महाविद्यालय आणि कलर्स ऑफ औरंगाबादतर्फे एमजीएम कलादीर्घा आर्ट गॅलरीत मंगळवारपासून (ता. नऊ) संदेश भंडारे यांचे वारी : एक आनंदयात्राहे छायाचित्र प्रदर्शन भरविण्यात आले आहे. क्लोव्हर डेल स्कूलच्या संचालक अपर्णा कक्कड यांच्या हस्ते या प्रदर्शनाचे उद्घाटन झाले. तत्पूर्वी चित्रपती व्ही. शांताराम सभागृहात संदेश भंडारे यांनी युवा छायाचित्रकारांसाठी मास्टर क्लास घेतला. प्रास्ताविक प्रतिष्ठानच्या विभागीय केंद्राचे सचिव नीलेश राऊत यांनी केले.
एमजीएम फिल्म आर्ट विभागाचे प्रमुख शीव कदम, डॉ. आर. आर. देशपांडे, अंधश्रद्धा निर्मुलन समितीचे शहाजी भोसले यांची प्रमुख उपस्थिती होती. हे प्रदर्शन सोमवार (ता. १५) खुले राहणार असून, शहरातील कलारसिकांनी आस्वाद घेण्याचे आवाहन सुबोध जाधव, अ‍ॅड. स्वप्नील जोशी, श्रीकृष्ण पाटील, ज्ञानेश्वर पाटील, आदित्य दिवाण, उमेश राऊत, महेश अचिंतलवार, मंगेश निरंतर, सचिन दाभाडे, निखिल भालेराव, प्रतीक राऊत आदींनी केले आहे.

वारी : एक आनंदयात्रा

WhatsApp Image 2019 07 02 at 3.00.44 PM
यशवंतराव चव्हाण प्रतिष्ठान, मुंबई , विभागीय केंद्र औरंगाबाद, एमजीएम जनसंवाद व वृत्तविद्या महाविद्यालय व कलर्स ऑफ औरंगाबाद यांच्या वतीने सुप्रसिध्द छायाचित्रकार संदेश भंडारे यांचे वारी : एक आनंदयात्रा या छायाचित्रप्रदर्शनाचे आयोजन करण्यात आले आहे. दिनांक ९ जुलै ते १४ जुलै २०१९ एमजीएम कलादिर्घा आर्ट गॅलरी, एमजीएम स्टेडियम परिसर, गेट क्र.७, औरंगाबाद येथे सकाळी १० ते सायंकाळी ७ वाजेपर्यंत हे विनामूल्य प्रदर्शन पार पडणार आहे.

            

   

विभागीय केंद्र - औरंगाबाद

मा. अंकुशराव कदम

अध्यक्ष विभागीय केंद्र, औरंगाबाद
श्री. सचिन मुळे,  कोषाध्यक्ष
श्री. नीलेश राऊत,  सचिव
निर्मिक-अभुदय, कासलीवालस सुवर्णयोग, 
व्यंक्टेश मंगल कार्यालयासमोर, सुतगिरणी रोड,
गारखेडा परिसर, 
औरंगाबाद - ४३१००५
कार्यालय : ०२४०-२३७६२२१ / ९८९०५४२४४९
ईमेल : raut.nc@gmail.com, 
Jadhav.subodh63@gmail.com 

   

वृत्तपत्रीय दखल (औरंगाबाद)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft