६ व्या औरंगाबाद इंटरनॅशनल फिल्म फेस्टिव्हलचे ९ ते १३ जानेवारी दरम्यान आयोजन

महोत्सवात भारतीय सिनेमा स्पर्धा विभागाचा समावेश, जगभरातील ४० फिल्म्सचे होणार प्रदर्शन


औरंगाबाद : जगभरातील व देशातील सर्वोत्कृष्ट चित्रपट मराठवाड्यातील रसिकांपर्यंत पोहोचवणार्‍या सहाव्या औरंगाबाद आंतरराष्ट्रीय चित्रपट महोत्सवाची घोषणा करण्यात आलेली असून बुधवार, दि. ९ ते रविवार, दि. १३ जानेवारी २०१९ या दरम्यान हा महोत्सव आयनॉक्स थिएटर, प्रोझोन मॉल, औरंगाबाद येथे राष्ट्रीय व आंतरराष्ट्रीय पातळीवरील कलावंताच्या मांदियाळीत संपन्न होणार आहे.

नाथ ग्रुप व महात्मा गांधी मिशन प्रस्तुत व यशवंतराव चव्हाण प्रतिष्ठान, मुंबई - विभागीय केंद्र औरंगाबाद आयोजित औरंगाबाद इंटरनॅशनल फिल्म फेस्टिव्हल हा महाराष्ट्र शासनाच्या सहकार्याने संपन्न होत असून प्रोझोन मॉल यांचे विशेष सहकार्य या फेस्टिव्हलला मिळालेले आहे. तसेच राष्ट्रीय चित्रपट संग्रहालय, पुणे व स्विडीश राजदूतावास यांचा विशेष सहभाग यंदाच्या महोत्सवात असणार आहे.

उद्घाटन सोहळा :
फिल्म फेस्टिव्हलचा उद्घाटन सोहळा बुधवारी, दि. ९ जानेवारी २०१९ रोजी सायंकाळी सहा वाजता आयनॉक्स, प्रोझोन मॉल येथे संपन्न होणार असून या प्रसंगी विविध मान्यवर कलावंतांची उपस्थिती असणार आहे. उद्घाटन सोहळ्यानंतर यंदाच्या ऑस्कर स्पर्धेत नामांकन असलेली कोल्ड वार ही पोलंड भाषेतील जगभर गाजत असलेली फिल्म ओपनींग फिल्म म्हणून दाखविण्यात येईल.

समारोप सोहळा व जीवन गौरव पुरस्कार :
फेस्टिव्हलचा समारोप सोहळा रविवार, दि. १३ जानेवारी २०१९ रोजी सायं. सात वाजता संपन्न होणार असून याच सोहळ्यात पुरस्कारांचे वितरण ज्युरी समितीचे अध्यक्ष व प्रसिद्ध चित्रपट दिग्दर्शक एन. चंद्रा यांच्या हस्ते करण्यात येणार आहे. यावेळी पद्मपाणी जीवन गौरव पुरस्काराचे वितरण करण्यात येणार असून त्याची घोषणा पुढील आठवड्यात एका विशेष पत्रकार परिषदेत करण्यात येईल. पुरस्कार वितरण सोहळ्यानंतर सहाव्या आंतरराष्ट्रीय समारोपची फिल्म म्हणून ऑस्करच्या स्पर्धेत यंदा नामांकन झालेली जपानची शॉप लिफ्टर्र ही फिल्म दाखविण्यात येईल.

सहाव्या औरंगाबाद आंतराष्ट्रीय चित्रपट महोत्सवानिमित्त प्रतिनिधी नोंदणीस सुरवात

९ ते १३ जानेवारी २०१९ दरम्यान आयनॉक्स, प्रोझोन मॉल,औरंगाबाद येथे आयोजन



औरंगाबाद : जगभरातील व देशातील सर्वोत्कृष्ट चित्रपट मराठवाड्यातील रसिकांपर्यंत पोहोचवणार्‍या सहाव्या औरंगाबाद आंतरराष्ट्रीय चित्रपट महोत्सवाचे दि. ९ ते १३ जानेवारी २०१९ रोजी आयनॉक्स थिएटर, प्रोझोन मॉल, औरंगाबाद येथे आयोजन करण्यात आले आहे. महोत्सवास उपस्थित राहण्यासाठी प्रतिनिधी नोंदणीस सोमवार,दि. १७ डिसेंबर २०१८ रोजी पासून सुरवात होणार आहे.

जगभरातील चाळीस सर्वोत्कृष्ट सिनेमे, मास्टर
क्लास,परिसंवाद,उदघाटन व समारोप सोहळा औरंगाबाद च्या नागरिकांना अनुभवता येणार आहे.याकरीता सर्वसामान्य नागरिकांकरीता पाच दिवसांसाठी केवळ चारशे रुपये कॅटलॉग शुल्क आकारण्यात येणार आहे, तर ज्येष्ठ नागरिक व महाविद्यालयीन विद्यार्थ्यांना सवलतीच्या दरात केवळ दोनशे रुपयांत या फेस्टिव्हलचा आनंद घेता येणार आहे. सोमवार, दि. १७ डिसेंबर २०१८ पासून प्रतिनिधी नोंदणी सुरवात होणार असून १) आयनॉक्स थिएटर, प्रोझोन मॉल २)नाथ सीड्स,पैठण रोड ३)एमजीएम फिम्स आर्टस् डिपार्टमेंट, एमजीएम परिसर ४) निर्मिक ग्रुप, व्यंकटेश मंगल कार्यालयासमोर, सुतगिरणी रोड ५) विशाल ऑप्टिकल्स,पवन गॅस एजन्सी समोर,उस्मानपुरा ६) हॉटेल स्वाद, उस्मानपुरा ७) हॉटेल नैवेद्य, सिडको बसस्टॅण्ड ८) साकेत बुक वर्ल्ड, औरंगपुरा ९) जिजाऊ मेडिकल, टि.व्ही. सेंटर या केंद्रांवरती चित्रपट रसिकांना प्रतिनिधी नोंदणी करता येईल.

औरंगाबादचे नाव चित्रपट क्षेत्रात जागतिक व्यासपीठावर नेणार्‍या या महोत्सवात मराठवाड्यातील नागरीकांनी सहभाग नोंदवावा, असे आवाहन संयोजन समितीचे अध्यक्ष नंदकिशोर कागलीवाल, औरंगाबाद विभागीय केंद्राचे अध्यक्ष अंकुशराव कदम,महोत्सवाचे संचालक अशोक राणे, सचिन मुळे,सतीश कागलीवाल,प्रोझोन मॉलचे व्यवस्थापक मोहम्मद अर्शद, उद्योजक उल्हास गवळी,आकाश कागलीवाल,बिजली देशमुख आदींनी केले आहे.

   

विभागीय केंद्र - औरंगाबाद

मा. अंकुशराव कदम

अध्यक्ष विभागीय केंद्र, औरंगाबाद
श्री. सचिन मुळे,  कोषाध्यक्ष
श्री. नीलेश राऊत,  सचिव
निर्मिक-अभुदय, कासलीवालस सुवर्णयोग, 
व्यंक्टेश मंगल कार्यालयासमोर, सुतगिरणी रोड,
गारखेडा परिसर, 
औरंगाबाद - ४३१००५
कार्यालय : ०२४०-२३७६२२१ / ९८९०५४२४४९
ईमेल : raut.nc@gmail.com, 
Jadhav.subodh63@gmail.com 

   

वृत्तपत्रीय दखल (औरंगाबाद)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft