औरंगाबादेत युवा स्वातंत्र्य ज्योत रॅली उत्साहात संपन्न



औरंगाबाद : यशवंतराव चव्हाण प्रतिष्ठान, मुंबई - विभागीय केंद्र औरंगाबाद - नवमहाराष्ट्र युवा अभियान व रोटरॅक्ट क्लब ऑफ औरंगाबाद एअरपोर्ट यांच्या संयुक्त विद्यमाने युवकांमध्ये राष्ट्रभावना जागृत व्हावी या भावनेने ‘युवा स्वातंत्र ज्योत रॅली’चे आयोजन स्वातंत्र्य दिनाच्या पूर्वसंध्येला म्हणजेच मंगळवार, दि. १४ ऑगस्ट रोजी करण्यात आले होते. रॅलीचे उद्घाटन विभागीय केंद्राचे कार्यकारिणी सदस्य डॉ.श्रीरंग देशपांडे यांच्या हस्ते सायं. ६ वा. मशाल प्रज्वलीत करून करण्यात आले. यावेळी विभागीय केंद्राचे सचिव नीलेश राऊत, सुहास तेंडुलकर, रोटरी क्लब ऑफ औरंगाबाद सेंटरचे अध्यक्ष आशुतोष बडवे, डीआरआर रोटरॅक्ट क्षितिज चौधरी, सुबोध जाधव, गणेश घुले, डॉ.दिनेश वंजारे, श्रीकांत देशपांडे, श्रीराम पोतदार आदी मान्यवर होते.

रॅलीचे यंदा अकरावे वर्ष होते,रॅली चा समारोप पैठणगेट येथे भारतीय संविधानाच्या सरनामा वाचनाने व राष्ट्रगीताने झाला. याप्रसंगी तीनशेहून अधिक युवांची उपस्थिती होती.रॅलीच्या यशस्वीतेसाठी मंगेश निरंतर, प्रवीण देशमुख, दीपक जाधव, डॉ.राहुल बडे, ऍड.तथागत कांबळे, ऍड.सुस्मिता दौड, अक्षय गोरे, सचिन दाभाडे, ऋषिकेश खंडाळे, सुशील बोर्डे, ओंकार तेंडुलकर, प्रभाकर लिंगायत, गिरीजाराम क्षिरसागर, उमेश राऊत, निलेश काळे,निलेश निकम आदींनी पुढाकार घेतला.

विंदा करंदीकर यांच्या जन्मशताब्दी निमित्त 'स्वच्छद' कार्यक्रम....



विंदा करंदीकर यांच्या जन्मशताब्दी निमित्त त्यांच्या समग्र साहित्य निर्मितीचे दर्शन व्हावे, यासाठी यशवंतराव चव्हाण प्रतिष्ठान, मुंबई विभागीय केंद्र औरंगाबाद स. भु. कला व वाणिज्य महाविद्यालय, औरंगाबाद यांच्या संयुक्त विद्यमाने वसंत आचरेकर सांस्कृतिक प्रतिष्ठान निर्मित 'स्वच्छद' या कार्यक्रमाचे आयोजन करण्यात आले आहे. हा कार्यक्रम १९ ऑगस्ट २०१८ रोजी सायंकाळी ६ वाजता गोविंदभाई श्रॉफ ललित कला अकादमी सभागृह, स. भु. कला व वाणिज्य महाविद्यालय, औरंगाबाद येथे सुरू होईल. सर्वांसाठी प्रवेश खुला असून विभागीय केंद्रतर्फे कार्यक्रमाला अधिक संख्येने उपस्थित रहावे असे आवाहन केले आहे.

   

विभागीय केंद्र - औरंगाबाद

मा. अंकुशराव कदम

अध्यक्ष विभागीय केंद्र, औरंगाबाद
श्री. सचिन मुळे,  कोषाध्यक्ष
श्री. नीलेश राऊत,  सचिव
निर्मिक-अभुदय, कासलीवालस सुवर्णयोग, 
व्यंक्टेश मंगल कार्यालयासमोर, सुतगिरणी रोड,
गारखेडा परिसर, 
औरंगाबाद - ४३१००५
कार्यालय : ०२४०-२३७६२२१ / ९८९०५४२४४९
ईमेल : raut.nc@gmail.com, 
Jadhav.subodh63@gmail.com 

   

वृत्तपत्रीय दखल (औरंगाबाद)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft