स्वत:च्या जाणिवेशी एकनिष्ठ असणारा हा कवी श्रेष्ठ ठरतो

'शंभर वर्षांनंतरही कवी विंदा करंदीकर महत्त्वाचे वाटतात. कारण, त्यांची कविता समकालीन आहे. कविता वाचताना जणू ती आजच्या गोष्टींबद्दल सांगते असे वाटते. त्यामुळेच स्वत:च्या जाणिवेशी एकनिष्ठ असणारा हा कवी श्रेष्ठ ठरतो,' असे प्रतिपादन कवी प्रा. दासू वैद्य यांनी केले.

यशवंतराव चव्हाण प्रतिष्ठान औरंगाबाद व स. भु. कला व वाणिज्य महाविद्यालय यांच्या वतीने कविवर्य विंदा करंदीकर यांच्या जन्मशताब्दी वर्षानिमित्त 'स्वच्छंद ' कार्यक्रम घेण्यात आला. या कार्यक्रमात ते बोलत होते. कणकवली येथील वसंतराव आचरेकर सांस्कृतिक प्रतिष्ठान निर्मित कार्यक्रम रविवारी गोविंदभाई श्रॉफ कला अकादमीच्या सभागृहात झाला. या कार्यक्रमाचे उद्घाटन कवी दासू वैद्य यांनी केले. यावेळी मंचावर डॉ. श्रीरंग देशपांडे, डॉ. संजय मोहोड, वामन पंडीत आणि ज्येष्ठ पत्रकार दीपक पटवे उपस्थित होते. विंदांचे व्यक्तिमत्त्व आणि कवितेवर दासू यांनी भाष्य केले. 'समीक्षक, अनुवादक, कवी असलेले करंदीकर मराठी साहित्याला समृद्ध करुन गेले. त्यांचे मोठेपण शंभर वर्षांनंतरही टिकून आहे. मध्य प्रदेश सरकारने विंदांना कबीर सन्मान प्रदान केला होता. या पुरस्काराची रक्कम विंदांनी किल्लारी भूकंपग्रस्तांना दिली होती. प्रदेशाच्या पलीकडे जाणारी ही दानत होती' असे दासू म्हणाले.

विंदांच्या समग्र साहित्याचे दर्शन घडविणारा 'स्वच्छंद' कार्यक्रम रसिकांसाठी पर्वणी ठरला. या कार्यक्रमाची संहिता डॉ. विद्याधर करंदीकर यांची होती. निर्मिती, संकल्पना, नेपथ्य वामन पंडीत, संगीत माधव गावकर यांचे होते. वामन पंडित, अनिल फराकटे, प्रसाद घाणेकर, विद्यागौरी ताम्हनकर, माधव गावकर यांनी विंदांच्या आठवणींना उजाळा देत कविता सादरीकरण केले. 'तन मन धन अर्पाया देई चेतना' या कवितेने सुरुवात झाली. 'स्वेदाचीही ही अखंड गंगा' ही कविता नवीन पैलू उलगडून गेली. विंदांचे उपहासाने भरलेले, पण गंभीर आशयाचे चुटके दाद मिळवून गेले. शेक्सपीअर लिखित 'किंग लिअर'चे विदांनी भाषांतर केले होते. अतिरिक्त संतापाची ही शोकांतिका मराठीतही तेवढ्याच ताकदीने लिहिली गेली असे घाणेकर यांनी सांगितले. वैविध्यपूर्ण कवितांनी कार्यक्रम रंगत गेला. या उपक्रमासाठी सुबोध जाधव, गणेश घुले, महेश अचिंतलवार, श्रीराम पोतदार, श्रीकांत देशपांडे आदींनी परिश्रम घेतले.

औरंगाबादेत युवा स्वातंत्र्य ज्योत रॅली उत्साहात संपन्न



औरंगाबाद : यशवंतराव चव्हाण प्रतिष्ठान, मुंबई - विभागीय केंद्र औरंगाबाद - नवमहाराष्ट्र युवा अभियान व रोटरॅक्ट क्लब ऑफ औरंगाबाद एअरपोर्ट यांच्या संयुक्त विद्यमाने युवकांमध्ये राष्ट्रभावना जागृत व्हावी या भावनेने ‘युवा स्वातंत्र ज्योत रॅली’चे आयोजन स्वातंत्र्य दिनाच्या पूर्वसंध्येला म्हणजेच मंगळवार, दि. १४ ऑगस्ट रोजी करण्यात आले होते. रॅलीचे उद्घाटन विभागीय केंद्राचे कार्यकारिणी सदस्य डॉ.श्रीरंग देशपांडे यांच्या हस्ते सायं. ६ वा. मशाल प्रज्वलीत करून करण्यात आले. यावेळी विभागीय केंद्राचे सचिव नीलेश राऊत, सुहास तेंडुलकर, रोटरी क्लब ऑफ औरंगाबाद सेंटरचे अध्यक्ष आशुतोष बडवे, डीआरआर रोटरॅक्ट क्षितिज चौधरी, सुबोध जाधव, गणेश घुले, डॉ.दिनेश वंजारे, श्रीकांत देशपांडे, श्रीराम पोतदार आदी मान्यवर होते.

रॅलीचे यंदा अकरावे वर्ष होते,रॅली चा समारोप पैठणगेट येथे भारतीय संविधानाच्या सरनामा वाचनाने व राष्ट्रगीताने झाला. याप्रसंगी तीनशेहून अधिक युवांची उपस्थिती होती.रॅलीच्या यशस्वीतेसाठी मंगेश निरंतर, प्रवीण देशमुख, दीपक जाधव, डॉ.राहुल बडे, ऍड.तथागत कांबळे, ऍड.सुस्मिता दौड, अक्षय गोरे, सचिन दाभाडे, ऋषिकेश खंडाळे, सुशील बोर्डे, ओंकार तेंडुलकर, प्रभाकर लिंगायत, गिरीजाराम क्षिरसागर, उमेश राऊत, निलेश काळे,निलेश निकम आदींनी पुढाकार घेतला.

   

विभागीय केंद्र - औरंगाबाद

मा. अंकुशराव कदम

अध्यक्ष विभागीय केंद्र, औरंगाबाद
श्री. सचिन मुळे,  कोषाध्यक्ष
श्री. नीलेश राऊत,  सचिव
निर्मिक-अभुदय, कासलीवालस सुवर्णयोग, 
व्यंक्टेश मंगल कार्यालयासमोर, सुतगिरणी रोड,
गारखेडा परिसर, 
औरंगाबाद - ४३१००५
कार्यालय : ०२४०-२३७६२२१ / ९८९०५४२४४९
ईमेल : raut.nc@gmail.com, 
Jadhav.subodh63@gmail.com 

   

वृत्तपत्रीय दखल (औरंगाबाद)  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft