मुलांचे हवामान अध्ययन केंद्र प्रकल्प...



यशवंतराव चव्हाण प्रतिष्ठानच्या कार्याध्यक्षा आणि खासदार माननीय सुप्रियाताई सुळे यांच्या मार्गदर्शनाखाली प्रतिष्ठानच्या वसुंधरा पर्यावरण संवर्धन अभियानतर्फे शाळांमध्ये मुलांचे हवामान अध्ययन केंद्र हा प्रकल्प राबविण्यात येत आहे. गेली पाच वर्षे सुप्रियाताई सुळे या वसुंधरा अभियानमार्फत शाळा-शाळांमध्ये पर्यावरण, ग्लोबल वॉर्मिंग आणि हवामान बद्दल याविषयी जनजागृतीचे काम करीत आहेत. मुलांचे हवामान अध्ययन केंद्र प्रकल्प हा याच कामाचा पुढील टप्पा आहे.
महाराष्ट्राच्या बदलत्या तापमानाला आणि हवामानातील बदलांना सामोरे जाण्याचे आव्हान भविष्यात येणा-या पिढीला पेलता येण्यासाठी अशा प्रकारच्या अनेक शैक्षणिक उपक्रमांची आवश्यकता आहे. महाराष्ट्राचे भवितव्य घडविणारी भावी पिढी येणा-या पर्यावरणीय आपत्तीला यशस्वीपणे तोंड देण्यासाठी आशा उपक्रमातून तयार व्हावी हे या प्रकल्पाचे अंतिम ध्येय आहे.

या प्रकल्पाअंतर्गत तलासरी येथील कस्तुरबा गांधी बालिका विद्यालय येथे बुधवार दिनांक १८ जानेवारी २०१७ रोजी पहिले सत्र घेण्यात आले. या सत्रात हवामान बदल आणि जागतिक तापमानवाढ म्हणजे काय हे विद्यार्थिनींना स्लाईड शोच्या माध्यमातून समजावून देण्यात आले. त्यानंतर लगेचच विद्यार्थ्यांनींचे दोन गट करुन हवामान बदल विषयक प्रश्नमंजुषा घेण्याची आली. प्रश्नमंजुषेत सहभागी सर्व विद्यार्थिंनींना पर्यावरण विषयक पुस्तके तसेच फुलपाखरांवरील फिल्डगाईड बक्षीस म्हणून देण्यात आले वसुंधरा पर्यावरण संवर्धन अभियान तर्फे श्रीम. संगीता खरात यांनी विद्यार्थिनींना मार्गदर्शन केले. विद्यार्थिनींनी विचारलेल्या प्रश्नांची बरोबर उत्तरे दिली. शहरांमधील विद्यार्थीही हवामान बदलाची व्याख्या नीट सांगू शकत नाहीत असे सांगून विद्यार्थिनींच्या उत्तम सहभागाबद्दल श्रीम. संगिता खरात यांनी समाधान व्यक्त केले. या कार्यक्रमाच्या यशस्वी आयोजनासाठी जेष्ठ शिक्षिका श्रीम. मनिषा ठाकरे यांचे उत्तम सहकार्य लाभले.

हवामान बदलविषयक विद्यार्थ्यांची परिषद संपन्न...


दिनांक १९ डिसेंबर २०१६ रोजी यशवंतराव चव्हाण प्रतिष्ठान, मुंबई येथे हवामान बदलविषयक विद्यार्थ्यांची परिषद यशस्वीरीत्या पार पडली. यशवंतराव चव्हाण प्रतिष्ठान आणि सृष्टीज्ञान संस्था तसेच स्वीडनमधील क्लायमेट अक्शन संस्थेच्या सहयोगाने आयोजित या परिषदेमध्ये मुंबईतील शाळांचे २०० विद्यार्थी व शिक्षक सहभागी झाले होते. बदलत्या हवामानाची दखल घेत आपापल्या पातळीवर पर्यावरण संवर्धनाचे विविध उपक्रम शाळांमध्ये आयोजित केले जात आहेत. या परिषदेमध्ये स्वीडनच्या क्लायमेट अक्शन संस्थेच्या वतीने श्रीमती कारिन वाहल्ग्रेन आणि श्री. रिकार्ड रेनबर्ग तसेच प्रतिष्ठानच्या कार्याध्यक्ष , सुप्रियाताई सुळे यांनी मार्गदर्शन केले. पर्यावरण संवर्धनाचे हे, उपक्रम मुंबई – ठाणे – पुणे – बारामती अशा प्रमुख भागांमधील शाळांमध्ये राबविले गेल्यास हवामान बदल आणि जागतिक तापमान वाढीला आळा घालण्याच्या दिशेने खूप मोठ्या प्रमाणात वातावरणाची निर्मिती होऊ शकेल असे प्रतिपादन सुप्रियाताईंनी आपल्या अध्यक्षीय भाषणात केले. कार्यक्रमाचे आयोजन श्री. प्रशांत शिंदे , कुनाल अणेराव , श्रीमती. ज्योती खोपकर यांनी केले. सूत्रसंचालन श्रीमती. संगीता खरात यांनी केले.तर आभार युवाराज प्रतिष्ठानचे कॅप्तन आशिष दामले यांनी केले.

   

वसुंधरा कक्ष  

   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft