चित्रपट क्षेत्रातील मान्यवरांचे महोत्सवात मार्गदर्शन



बहुचर्चित यशवंत आंतरराष्ट्रीय चित्रपट महोत्सवामध्ये मोहन क्रिशनन यांचा मास्टर क्लास ‘पोस्ट प्रोडक्शन' या विषयावर तर सुश्रुत वैद्य हे हिंदी चित्रपटातील गाण्यामधील सामाजिक उत्क्रांतीचे प्रतिबिंब या विषयावर चर्चा सत्राचे आयोजन करण्यात आले होते. मोहन क्रिशनन आणि सुश्रुत वैद्य यांनी चित्रपट रसिकांना मार्गदर्शन केले.

अभिनेते सचिन खेडेकर यांचे चित्रपट प्रेमींना मार्गदर्शन



बहुचर्चित यशवंत आंतरराष्ट्रीय चित्रपट महोत्सव २०१८, शुक्रवार १९ जानेवारीपासून सुरु झाला असून यशवंतराव चव्हाण प्रतिष्ठान मुंबई आणि पुणे फिल्म फाऊंडेशन यांच्या संयुक्त विद्यमाने हा महोत्सव सुरू आहे. विशेष म्हणजे महोत्सवाचे मुख्य आकर्षण असलेले ’स्मिता पाटिल स्मृती व्याख्यान’ आज मेन सभागृहात संपन्न झाले. कार्यक्रमात महोत्सवाचे संचालक जब्बार पटेल यांनी अभिनेते सचिन खेडेकर याची मार्गदर्शनपर मुलाखत घेतली.

मुलाखती सुरुवातीला स्मिता पाटील आणि चित्रपट यावर चर्चा केली. त्यानंतर सचिन खेडेकर याच्या आयुष्यातील काही घटनांचा मागोवा घेण्याचा प्रयत्न केला. मराठी हिंदी चित्रपटात कांम करताना आलेले अनुभव खेडेकर यांनी उपस्थितांना सांगितले.

यशवंत आंतरराष्ट्रीय चित्रपट महोत्सव २०१८ महोत्सवाचे यंदा ‘८ वे’ वर्ष आहे. या महोत्सवा दरम्यान भारतीय चित्रपटसृष्टीत मोलाचं योगदान देणाऱ्यास गौरविण्यात येते. आतापर्यंत पंकूज कपूर अनुपम खेर, वहिदा रेहमान सारख्या दिग्गज कलाकारांना गौरविण्यात आले आहे.

यंदा या महोत्सवात चित्रपट रसिकांसाठी विविध भाषेतील आणि विविध देशातील काही निवडक ८५ चित्रपटांची मेजवानी आहे. तसेच मोहन क्रिशनन यांचा मास्टर क्लास ‘पोस्ट प्रोडक्शन' या विषयावर २३ जानेवारी सायंकाळी ५ वाजता होणार आहे. २२ जानेवारीला सुश्रुत वैद्य हे हिंदी चित्रपटातील गाण्यामधील सामाजिक उत्क्रांतीचे प्रतिबिंब या विषयावरती मार्गदर्शन करणार आहेत. १९ जानेवारी ते २५ जानेवारी दरम्यान मुंबईकरांना जगभारतील विविध भाषातील नावाजलेले चित्रपट पाहता येणार आहे. चीन, रशिया, फ्रान्स, इराण, बेल्जियम, अर्जेंटिना, इस्त्रायल, तुर्की, चिली आदी देशांतील चित्रपट एकाच ठिकाणी पाहण्याची सुवर्णसंधी सर्वासाठी यशवंत चित्रपट महोत्सवाने उपलब्ध करुन दिली आहे. अशी माहिती महोत्सवाचे मुख्य समन्वयक महेंद्र तेरेदेसाई यांनी दिली.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft