२० जानेवारी ते २६ जानेवारी दरम्यान रंगणार 
७ वा यशवंत आंतरराष्ट्रीय चित्रपट महोत्सव...


महाराष्ट्रातील अग्रगण्य समजला जाणा-या यशवंत आंतरराष्ट्रीय चित्रपट महोत्सवाची नांदी सुरु झाली. नुकत्याच पत्रकारांशी रंगलेल्या अनौपचारिक चर्चेत महोत्सवाचे संचालक डॉ. जब्बार पटेल यांनी २० जानेवारी ते २६ जानेवारी दरम्यान महोत्सव होणार असल्याची घोषणा केली. हा महोत्सव या मातीतला असल्यामुळे हा सर्वांचाच महोत्सव असून प्रत्येकाच्या सूचनेचं येथे स्वागतच असेल असे प्रतिपादन डॉ.जब्बार पटेल यांनी केले.

यशवंतराव चव्हाण प्रतिष्ठानतर्फे
७वा यशवंत आंतरराष्ट्रीय चित्रपट महोत्सव २०१७ पत्रकार परिषद...

जानेवारी २०१७ मध्ये होणा-या '७ व्या यशवंत आंतराष्ट्रीय चित्रपट महोत्सवा'चे आयोजन करण्यात आले आहे. यावर्षी या चित्रपट महोत्सवाचे आकर्षण ठरणार आहे ते महाविद्यालयीन विद्यार्थ्यांनी केलेले चित्रपटाचे समीक्षण. महाराष्ट्रातील महाविद्यालयीन विद्यार्थ्यांसाठी 'चित्रपट समीक्षण स्पर्धा' आयोजित करण्यात आली आहे

'७ व्या यशवंत आंतरराष्ट्रीय चित्रपट महोत्सव २०१७' च्या निमित्ताने बुधवार ३० नोव्हेंबर २०१६ रोजी दुपारी १२.०० वाजता पत्रकारांसाठी चर्चा व स्नेहभोजनाचे आयोजन करण्यात आले आहे. या कार्यक्रमाला श्री. शरद काळे, सरचिटणीस (यशवंतराव चव्हाण प्रतिष्ठान, मुंबई ) डॉ. जब्बार पटेल - फेस्टिवल डायरेक्टर ( यशवंतराव चव्हाण प्रतिष्ठान, मुंबई ) उपस्थित राहणार आहेत आपण या कार्यक्रमाला उपस्थित राहून स्नेहभोजनाचा आस्वाद घ्यावा. याविषयी अधिक माहितीसाठी श्री. संजय बनसोडे (९८१९९६२६३६ ) श्री. शैलेश चव्हाण (९९२०३९७२९८) वर संपर्क करू शकता.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft