भारतीय चित्रसृष्टीतील योगदानाबद्दल
शरद पवार यांच्या हस्ते अभिनेता पंकज कपूर यांचा गौरव.
.

बहुचर्चित यशवंत आंतरराष्ट्रीय चित्रपट महोत्सव २० जानेवारीपासून सुरु होणार आहे. यशवंतराव चव्हाण प्रतिष्ठान मुंबई, पुणे फिल्म फाऊंडेशन व मुंबई विद्यापीठ यांच्या संयुक्त विद्यमाने हा महोत्सव रंगणार आहे. २० जानेवारी रोजी प्रतिष्ठानच्या चव्हाण सेंटर मध्ये प्रतिष्ठानचे अध्यक्ष व माजी केंद्रीय कृषीमंत्री शरद पवार यांच्या उपस्थितीत हा उदघाटन सोहळा पार पडणार आहे. यावेळी चतुरस्त्र अभिनेता पंकज कपूर यांना भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे.
महोत्सवाचे यंदा ७ वे वर्ष आहे. महोत्सवादरम्यान भारतीय चित्रपटसृष्टीत मोलाचं योगदान देणाऱ्यास गौरविण्यात येते. आतापर्यंत अनुपम खेर, वहिदा रेहमान सारख्या दिग्गज कलाकारांना गौरविण्यात आले आहे. यंदा चतुरस्त्र अभिनेता पंकज कपूर यांना त्यांच्या भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे.

व्यवसायाने अभियंता (इंजिनीयर) असणारे पंकज कपूर मनाने मात्र अभिनेते आहेत. प्रत्येक पात्राचा सखोल अभ्यास करून त्या पात्राला न्याय मिळून देतात. त्यांनी अनेक चित्रपटातून, मालिकांमधून, नाटकांमधून रसिकांच्या मनावर राज्य केले. ‘करमचंद’, ‘जबान सभांल के’ यांसारख्या दूरचित्रवाणीवरील मालिकेमधून सार्वजनिक कार्यालयांमध्ये होणारा भ्रष्टाचार त्यांनी आपल्यासमोर आणला . ‘राख’ , ‘एक डॉक्टर की मौत’(१९९१), ‘मकबूल’ या चित्रपटांसाठी त्यांना राष्ट्रीय पुरस्कार देखील मिळाला आहे.
अशा चतुरस्त्र अभिनेत्याला सन्मानीत करण्यासाठी मुंबई विद्यापीठाचे कुलगुरु डॉ. संजय देशमुख ही उपस्थित राहणार आहेत.

७ व्या यशवंत आंतरराष्ट्रीय चित्रपट महोत्सवात
७५ चित्रपट दाखवले जाणार..



यशवंतराव चव्हाण प्रतिष्ठान, पुणे फिल्म फाऊंडेशन, मुंबई विद्यापीठ यांच्या संयुक्त विद्यमाने व महाराष्ट्र शासनाच्या सहकार्याने यशवंत आंतरराष्ट्रीय चित्रपट महोत्सवाचे आयोजन २० ते २६ जानेवारी दरम्यान करण्यात आले आहे अशी माहिती महोत्सवाचे संचालक जब्बार पटेल यांनी नुकतीच पत्रकार परिषदेत दिली.

यंदा महोत्सवाचे हे 7 वे वर्ष असून, या महोत्सवात मुंबई विद्यापीठाचे अधिक सहकार्य असणार असून, कुलगुरु संजय देशमुख हे उद्धाटनाला उपस्थित राहतील अशी माहिती सरचिटणीस शरद काळे यांनी दिली. यंदाच्या चित्रपट महोत्सवात जगभरातील एकूण ७५ सिनेमे दाखवण्यात येणार आहेत. तसेच यावर्षी स्मिता पाटील स्मृति व्याख्यानमालेसाठी दिग्दर्शक आशुतोष गोवारिकर व्याख्याते असणार आहेत.

चित्रपट यावर्षी ५२ जागतिक, ३ भारतीय, ३ मराठी, ४ रेट्रो, ७ लेटिन अमेरिका या भाषेतील चित्रपट असणार आहेत. विद्यार्थयानी तयार केलेल्या २९ लघुपट यामध्ये १३ चलचित्र तर १६ एनिमेशन आहे. तसेच व्हिएतनाम देशाचे ५ सिनेमे देखील दाखवण्यात येणार आहेत असे मुख्य समन्वयक महेंद्र तेरेदेसाई यांनी सांगितले. यावेळी यशवंतराव चव्हाण प्रतिष्ठानचे समन्वयक व्यवस्थापक संजय बनसोडे ही उपस्थित होते

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft