८वा यशवंत आंतरराष्ट्रीय चित्रपट महोत्सवाची सांगता..


१९ जानेवारी ते २५ जानेवारी २०१८ दरम्यान सुरु झालेल्या ८वा यशवंत आंतरराष्ट्रीय चित्रपट महोत्सवाची सांगता नुकतीच करण्यात आली. यशवंतराव चव्हाण प्रतिष्ठान मुंबई आणि पुणे फिल्म फाऊंडेशन यांच्या संयुक्त विद्यमाने हा महोत्सव रंगला होता. २५ जानेवारी २०१८ रोजी महोत्सवाचे सांगता कार्याध्यक्षा सुप्रिया सुळे यांच्या हस्ते करण्यात आली यावेळी महोत्सवाचे संचालक जब्बार पटेल, प्रतिष्ठानचे सरचिटणीस शरद काळे, मुख्य समन्वयक महेंद्र तेरेदेसाई, संयोजक दत्ताबाळ सराफ उपस्थिती होती

कार्याध्यक्षा सुप्रिया सुळे यांनी महोत्सव अतिशय सुंदर झाल्याचे सांगितले. तसेच प्रत्येक वर्षी इथे असाच चित्रपट महोत्सव होईल असही त्यांनी सांगितलं.

यशवंत आंतरराष्ट्रीय चित्रपट महोत्सव २०१८ महोत्सवाचे यंदा ‘८ वे’ वर्ष होते. यावेळी चित्रपट दिग्दर्शक व निर्माता रमेश सिप्पी यांना भारतीय चित्रपटसृष्टीतील अतुलनीय योगदानाबद्दल सरचिटणीस शरद काळे यांच्या हस्ते गौरविण्यात आले. तसेच यंदा या महोत्सवात चित्रपट रसिकांसाठी विविध भाषेतील आणि विविध देशातील काही निवडक ८५ चित्रपटांची मेजवानी होती. महोत्सवाचे मुख्य आकर्षण असलेले ’स्मिता पाटिल स्मृती व्याख्यान’अभिनेते सचिन खेडेकर यांची महोत्सव संचालक जब्बार पटेल यांनी छानशी मुलाखत घेतली, तसेच मोहन क्रिशनन यांनी मास्टर क्लास ‘पोस्ट प्रोडक्शन' या विषयावर २३ जानेवारी उपस्थितांना मार्गदर्शन केले. २२ जानेवारीला सुश्रुत वैद्य हे हिंदी चित्रपटातील गाण्यामधील सामाजिक उत्क्रांतीचे प्रतिबिंब या विषयावर मार्गदर्शन केले.

हा महोत्सव करण्यामध्ये अनेक जणांची मेहनत आहे त्या सर्वांना व चित्रपट रसिकांनी दिलेली प्रचंड प्रतिसाद बद्दल त्याचे आभार व महोत्सवातआम्ही नेहमीच जगभरात बनवले जाणारे दर्जेदार चित्रपट रसिकांसाठी आणू. तर पुढच्यावर्षी हा महोत्सव १८ जानेवारी ते २४ जानेवारी २०१९ रोजी होणार आहे. असे प्रतिपादन महोत्सवाचे संचालक जब्बार पटेल यांनी केले.

चित्रपट क्षेत्रातील मान्यवरांचे महोत्सवात मार्गदर्शन



बहुचर्चित यशवंत आंतरराष्ट्रीय चित्रपट महोत्सवामध्ये मोहन क्रिशनन यांचा मास्टर क्लास ‘पोस्ट प्रोडक्शन' या विषयावर तर सुश्रुत वैद्य हे हिंदी चित्रपटातील गाण्यामधील सामाजिक उत्क्रांतीचे प्रतिबिंब या विषयावर चर्चा सत्राचे आयोजन करण्यात आले होते. मोहन क्रिशनन आणि सुश्रुत वैद्य यांनी चित्रपट रसिकांना मार्गदर्शन केले.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft