प्रा. डॉ. एन. डी. पाटील यांना यशवंतराव चव्हाण पुरस्कार प्रदान...

11 25 2019 4 48 23 PM

कराड, दि. २५ यशवंतराव चव्हाण प्रतिष्ठान, मुंबई तर्फे दिला जाणारा यशवंतराव चव्हाण राज्यस्तरीय पुरस्कार ज्येष्ठ विचारवंत मा. प्रा. डॉ. एन. डी. पाटील यांना ज्येष्ठ नेते, माजी कृषी मंत्री, भारत सरकार मा. शरदचंद्रजी पवार यांच्या हस्ते प्रदान करण्यात आला. यावेळी प्रतिष्ठानचे मा. अरुण गुजराथी, मा. शरद काळे, मा. अजित निंबाळकर, डॉ. अनिल काकोडकर, मा. राम खांडेकर, डॉ. सदानंद गोडसे, मा. दिलीप माजगावकर, मा. आ. बाळासाहेब पाटील, मा. सौ. सरोज (माई) पाटील, मा. मीनाताई जगधने, मा. खा. श्रीनिवास पाटील, मा. कल्लाप्पाआण्णा आवाडे, रयत शिक्षण संस्थेचे चेअरमन मा. डॉ. अनिल पाटील, अॅड. रवींद्र पवार, मा. आबासाहेब देशमुख, मा. अरुण लाड, सचिव डॉ. भाऊसाहेब कराळे, सहसचिव डॉ. विजयसिंह सावंत, प्राचार्य डॉ. माहन राजमाने, यशवंतराव चव्हाण प्रतिष्ठानचे पदाधिकारी, मा. प्रभाकर देशमुख उपस्थित होते.
पुरस्काराला उत्तर देताना प्रा. डॉ. एन. डी. पाटील म्हणाले की, यशवंतराव चव्हाणांच्या जीवनातील अनेक घडामोडी मी जवळून पाहिल्या आहेत. त्यांच्या राजकारणाची जडण-घडण मी अनुभवली आहे. ते उदारमतवादी होते. अशा महान व्यक्तीच्या नावाने दिला जाणार पुरस्कार माझ्या आयुष्यातील सर्वोच्च पुरस्कार आहे. मिळालेल्या पुरस्कारातील एक लाख रुपये माझी मातृसंस्था रयत शिक्षण संस्थेला देत आहे. तसेच इचलकरंजी येथील वाचनालयाच्या इमारतीसाठी एक लाख रुपये देत आहे, असे त्यांनी जाहीर केले.

यंदाचा यशवंतराव चव्हाण राज्यस्तरीय पुरस्कार
प्रा. एन. डी. पाटील यांना जाहीर

invitation front 

invitation back

यशवंतराव चव्हाण प्रतिष्ठानतर्फे दरवर्षी कृषी औद्यागिक समाजरचना, व्यवस्थापन प्रशासन, सामाजिक एकात्मता, विज्ञान तंत्रज्ञान, ग्रामीण विकास, आर्थिक सामाजिक विकास, मराठी साहित्य, संस्कृती, कला-क्रिडा या क्षेत्रांमध्ये लक्षणीय कामगिरी करणा-या महाराष्ट्रातील व्यक्तीस/ संस्थेस यशवंतराव चव्हाण राज्यस्तरीय पारितोषिक देण्यात येते. वरील क्षेत्रामध्ये लक्षणीय कार्य करणा-या व्यक्ती अगर संस्था यांच्या विषयी प्राप्त झालेल्या शिफारसींचा विचार करून पारितोषिक निवड समितीने प्रा. एन. डी. पाटील यांची या वर्षीच्या पारितोषिकासाठी निवड केलेली आहे. रोख रक्कम रु. २,००,००० व मानपत्र असे या पारितोषिकाचे स्वरुप आहे. 
प्रा. एन. डी. पाटील अनेक वर्ष रयत शिक्षण संस्थेसारख्या अग्रगण्य शिक्षण संस्थेत अध्यक्ष/ कार्यवाह म्हणून कार्य करीत आहेत. त्या संस्थेत त्यांनी औद्योगिक प्रशिक्षण संस्था, आश्रमशाळा, श्रमिक विद्यापीठ, संगणक शिक्षण केंद्र, स्पर्धा परीक्षा केंद्र वगैरे सुरू करून ऐतिहासिक महत्त्व असलेल्या संस्थेस आधुनिक रूप दिले आहे. अठरा वर्ष ते महाराष्ट्र विधान परिषदेचे सदस्य राहिले आहेत व दोन वर्ष सहकार मंत्री म्हणून काम केले आहे. त्यांच्या कार्याचा विस्तार व आवाका फार मोठा आहे. त्यांचे असाधारण कर्तुत्व लक्षात घेऊन हे पारितोषिक मा. यशवंतराव चव्हाण यांच्या पुण्यतिथी निमित्त सोमवार दिनांक २५ नोव्हेंबर २०१९ रोजी सकाळी ११ वाजता सदगुरु गाडगे महाराज कॉलेज, कराड, कराड मसुर रोड, विद्यानगर, सैदापूर, ता. कराड, जि. सातारा, महाराष्ट्र ४१५१२४ येथे आयोजित केलेल्या कार्यक्रमामध्ये प्रतिष्ठानचे अध्यक्ष श्री शरद पवार यांच्या हस्ते प्रा. एन. डी. पाटील यांना देण्यात येईल.
तसेच कार्यक्रमात ‘राजहंस प्रकाशन’ निर्मित व श्री राम खांडेकर लिखित ‘सत्तेच्या पडछायेत’ या पुस्तकाचे प्रकाशन करण्यात येईल.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft