सहकारी गृहनिर्माण संस्था समस्या
जीएसटी या विषयावर एकदिवशीय माहिती कार्यशाळा


यशवंतराव चव्हाण प्रतिष्ठान, मुंबईच्या महाराष्ट्र महिला व्यासपीठातर्फे "सहकारी गृहनिर्माण संस्था" कायदा, नियम आणि जीएसटी यासंदर्भात एकदिवशीय माहिती कार्यशाळेचे आयोजन करण्यात आले आहे. या कार्यशाळेमध्ये कायदा आणि नियम यासंदर्भात प्रभाकर चुरी तर जीएसटी विषयावरती अजीत जोशी हे २ डिसेंबर २०१७ रोजी सकाळी ११ ते ५ यावेळेत प्रक्षिणार्थींना मार्गदर्शन करणार आहेत. कार्यशाळेत सहभागी होण्या-या प्रक्षिणार्थीं कडून २५० रूपये शुल्क आकारले जाईल. ही कार्यशाळा यशवंतराव चव्हाण प्रतिष्ठान, मुंबई जन.जगन्नाथराव भोसले मार्ग, नरिमन पॉईंट, मुंबई येथे होईल. या कार्यशाळेसाठी नोंदणी करणे अनिवार्य आहे. संपर्क - ८२९१४१६२१६, २२०४५४६०.

रमेश प्रभू यांचे वस्तू व सेवा कर या विषयावर मार्गदर्शन



यशवंतराव प्रतिष्ठानच्या महाराष्ट्र महिला व्यासपीठातर्फे प्रभाकर चुरी यांचे सहकारी गृहनिर्माण संस्थांतील निवडणूक प्रक्रिया व रमेश प्रभू यांचे वस्तू व सेवा कर या विषयावर चव्हाण सेंटर मध्ये व्याख्यानाचे आयोजन करण्यात आले होते. वस्तू आणि सेवा कराची संपूर्ण माहिती या कार्यक्रमात मार्गदर्शक रमेश प्रभू यांनी दिली. विशेषम्हणजे जीएसटी संदर्भात मार्गदर्शन असल्यामुळे कार्यक्रमाला अधिक उपस्थिती होती.

वस्तू सेवा कर म्हणजे नेमकं काय ? या प्रश्नापासून रमेश प्रभू यांनी मार्गदर्शन करण्यास सुरूवात केली. वस्तू सेवा करा मध्ये असलेल्या प्रकारांची सविस्तर माहिती त्यांनी सांगितली. त्यानंतर त्यांनी २० लाख रूपयांच्या वरती वार्षिक उलाढाल होत असलेल्या कंपनीला ऑनलाईन नोंदणी करणे बंधनकारक आहे असंही आवर्जून सांगितलं.

केंद्र सरकारने लावलेल्या कराची रक्कम राज्य सरकारला किती जाते आणि केंद्र सरकारला किती जाते, याची सुध्दा माहिती त्यांनी उपस्थितीत वर्गाला दिली. खासकरून एखाद्या राज्यामधून दुस-या राज्यामध्ये झालेल्या खरेदी-विक्री व्यवहाराला इंटिग्रेटेड कर म्हणतात. या करांची रक्कम थेट केंद्रसरकारला जमा करावी लागते. असं ही ते म्हणाले.

सहकारी गृहनिर्माण संस्थांतील निवडणूक प्रक्रिया या विषयावर प्रभाकर चुरी यांनी मार्गदर्शन करून उपस्थितांनी विचारलेल्या प्रश्नांना समाधानकारक उत्तर दिली.

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft