कविवर्य विंदा करंदीकर जन्मशताब्दी वर्षास प्रारंभ....



ज्ञानपीठ पुरस्कार विजेते कविवर्य विंदा करंदीकर यांच्या जन्मशताब्दिदिनानिमित्त त्यांच्या साहित्याचे दर्शन घडविणारा कार्यक्रम.....

ज्ञानपीठ पुरस्कार प्राप्त कविवर्य विंदा करंदीकर यांचा २३ ऑगस्ट १९१८ हा जन्मदिन. यावर्षी २३ ऑगस्ट २०१७ रोजी त्यांच्या जन्मशताब्दी वर्षास सुरुवात होत आहे. साहजिकच २०१७-२०१८ या वर्षात करंदीकरांचे चाहते, विविध साहित्यिक संस्था, प्रसार माध्यमे आणि महाराष्ट्र राज्य सरकार यांच्या वतीने विविध कार्यक्रमांचे आयोजन करण्यात येईल. ह्या जन्मशताब्दी वर्षाची सुरुवात पॉप्युलर प्रकाशन, दैनिक लोकसत्ता आणि यशवंतराव चव्हाण प्रतिष्ठान, मुंबई यांच्या संयुक्त विद्यमाने आयोजित कार्यक्रम दि. २३ ऑगस्ट २०१७ रोजी होत आहे. या कार्यक्रमात विंदा करंदीकर यांचे कुटुंबीय आनंद करंदीकर, उदय करंदीकर, जया काळे, पत्रकार अंबरिश मिश्र आणि कवी सौमित्र (किशोर कदम) हे विंदाच्या गद्य-पद्य साहित्याचे सादरीकरण करणार आहेत.

हा कार्यक्रम बुधवार दिनांक: २३ ऑगस्ट २०१७ रोजी सायंकाळी ५:३० वा. रंगस्वर सभागृह, ४था मजला, यशवंतराव चव्हाण प्रतिष्ठान, मुंबई जनरल जगन्नाथ भोसले मार्ग, मुंबई -४०००२१ येथे होणार आहे.

   
पर्व प्रगतीचे परिवर्तनाचे डाऊनलोड
   

 Follow us :       

   
Copyright © 2016 Yashwantrao Chavan Pratishthan, Mumbai. All Rights Reserved. Designed by Pujasoft